2026 წლის 28 თებერვლის მდგომარეობით, საქართველოს სახელმწიფო საგარეო ვალმა 9.420 მლრდ დოლარს (დღევანდელი კურსით 25.208 მლრდ ლარს) გადააჭარბა. ეს კი 843 მლნ დოლარით მეტია (თითქმის 10%) გასული წლის ანალოგიურ პერიოდთან შედარებით.
უფრო კონკრეტულად, საქართველოს ფინანსთა სამინისტროს მიერ გამოქვეყნებული მონაცემების მიხედვით, 2025 წლის თებერვლის მდგომარეობით სახელმწიფო ვალის მოცულობა 8.577 მლრდ დოლარს შეადგენდა.
საქართველოს ვალი 9.4 მლრდ დოლარია – ახალი მონაცემები
ამასთან, ფინანსთა სამინისტროს მონაცემებით, 2026 წლის თებერვლის მდგომარეობით უშუალოდ მთავრობის საგარეო ვალი 9.117 მლრდ დოლარი იყო, აქედან მრავალმხრივი კრედიტორების დავალიანება 6.920 მლრდ დოლარს აჭარბებს, ორმხრივი კრედიტორების კი 1.592 მლრდ დოლარს. აღსანიშნავია, რომ საანგარიშო პერიოდში საქართველოს ეროვნული ბანკის საგარეო ვალდებულება 302.959 მლნ დოლარს შეადგენდა.
2026 წლის თებერვლის მონაცემებით, საქართველოს სახელმწიფოს ყველაზე მსხვილი კრედიტორები არიან: აზიის განვითარების ბანკი (ADB), ევროპის საინვესტიციო ბანკი (EIB) და განვითარების საერთაშორისო ბანკი (IBRD).
Loading ...