“ნაციონალურმა მოძრაობამ” შეიძლება, ბოიკოტი შეწყვიტოს და საპარლამენტო საქმინობას დაუბრუნდეს.
ამის შესახებ “მაკა ანდრონიკაშვილის დღის ამბებში” ლევან ბეჟაშვილმა განაცხადა.
ოპოზიციონერი ლიდერის თქმით, ანტიევროპული კანონის შემოტანა საქართველოში არის ის საკითხი, რის გამოც ყველაზე მსხვილი ოპოზიციური პარტიის წევრები საკანონმდებლო ორგანოს უნდა დაუბრუნდნენ, რადგან ეს საერთაშორისო ინსტიტუტებისთვის მნიშვნელოვანია.
“როდესაც ქვეყანაში ანტიევროპული კანონის შემოტანა ხდება, ბუნებრივია, ჩვენ მივიღებთ ამ პროცესში მონაწილეობას. ეს იქნება მთავარი საკითხი, რის შემდეგაც ჩვენ ბოიკოტს შევწყვეტთ და დავუბრუნდეთ საპარლამენტო საქმიანობას. იმიტომ, რომ ჩვენი დასავლელი პარტნიორების მოთხოვნაც ის არის, როდესაც ჩვენ ვსაუბრობთ საერთაშორისო მხარდაჭრის მოპოვებაზე და ეს საქართველოსთვის მნიშვნელოვანია, და საერთაშორისო ინსტიტუტებისთვისაც მნიშვნელოვანია, რომ პარლამენტში ჰყავდეს ძლიერი ოპოზიციური წარმომადგენლობა, ამიტომ ჩვენი მათი მოთხოვნის გათვალისწინებითაც, იმიტომ რომ საქმე ანტიევროპულ კანონს ეხება, ჩავერთვებით საპარლამენტო საქმინობაში და გავაგრძელებთ მასში მონაწილეობას. ეს არის ჩემი აზრი.
ეს არ არის განხილული ჯერ გუნდში, თუმცა ფრაქციის ბევრი წევრი ასე ფიქრობს. ჩვენ ფორმალურად უნდა შევიკრიბოთ და მივიღოთ შესაბამისი გადაწყვეტილება”, – ამბობს ლევან ბეჯაშვილი.
Loading ...
