ინფექციური საავადმყოფოს დირექტორის, მარინა ეზუგბაიას თქმით, საქართველოში კორონავირუსის 236 შემთხვევაა აღრიცხული, მათგან სამი უცხოეთში დადასტურდა. საქართველოში სამკურნალოდ ორი პაციენტი სომხეთიდან, ხოლო ერთი – თურქეთიდან გადმოიყვანეს.
ეზუგბაიას თქმით, StopCov.ge-ზე უცხოეთში დადასტურებულ და სამკურნალოდ ჩამოსულ პაციენტებს და ადგილზე დადასტურებულ შემთხვევებს ცალცალკე აღრიცხავენ.
ბოლო მონაცემებით, საქართველოში კორონავირუსისგან 54 ადამიანი გამოჯანმრთელდა, 3 კი – გარდაიცვალა.
ქვეყანაში გამოცხადებულია საგანგებო მდგომარეობა და ფაქტობრივი საყოველთაო კარანტინი. დაწესებულია ე.წ კომენდანტის საათი, რომელიც 21:00 საათიდან 06:00 საათამდე გადაადგილებას კრძალავს. აკრძალულია ასევე 3 ადამიანზე მეტის შეკრებაც.
ინფექციონისტები ახალი კორონავირუსით გამოწვეულ პიკს აპრილის ბოლოს და მაისის დასაწყისში ელიან.
Loading ...