ევროკავშირმა სრულად შეაჩერა რუსეთთან გამარტივებული სავიზო რეჟიმი. ევროპულმა საბჭომ გადაწყვეტილება დღეს, 9 სექტემბერს მიიღო. მანამდე, 31 აგვისტოს, შესაბამის პოლიტიკურ შეთანხმებას მიაღწიეს წევრი სახელმწიფოების საგარეო საქმეთა მინისტრებმა.
რუსეთის მოქალაქეები გამარტივებული სავიზო რეჟიმი ვეღარ ისარგებლებენ 2022 წლის 12 სექტემბრიდან.
შეთანხმება, ევროკავშირსა და რუსეთს შორის სავიზო რეჟიმის გამარტივების შესახებ, 2007 წლის 1 ივნისიდან ამოქმედდა.
შეთანხმების შეჩერების შემდეგ, რუსეთის მოქალაქეების მიმართ გამოყენებული იქნება სავიზო კოდექსის საერთო წესები – მათ ვიზის მისაღებად მოუწევთ დამატებითი დოკუმენტების წარდგენა, გაცილებით ხანგრძლივი პროცედურის გავლა და სავიზო მოსაკრებლის სახით, 35-ის ნაცვლად 80 ევროს გადახდა.
კომენტარები
Loading ...