ევროკავშირმა სომხეთი და აზერბაიჯანი ეპიდემიოლოგიურად უსაფრთხო ქვეყნების სიაში შეიყვანა

ევროკავშირმა სომხეთი, აზერბაიჯანი და კიდევ 9 ქვეყანა ეპიდემიოლოგიურად უსაფრთხო ქვეყნების სიაში შეიყვანა. schengenvisainfo-ს ცნობით, დასახელებული 11 ქვეყნის მაცხოვრებლები შენგენის ზონაში დაწესებული კოვიდშეზღუდვების გარეშე შევლენ. 

შესაბამისი გადაწყვეტილება ევროკავშირის ელჩებმა 30 ივნისს მიიღეს. უსაფრთხო ქვეყნების სიაში მოხვდნენ:

1. სომხეთი;
2. აზერბაიჯანი;
3. ბოსნია და ჰერცოგოვინა;
4. ბრუნეი;
5. კანადა;
6. იორდანია;
7. კოსოვო;
8. მოლდოვა;
9. მონტენეგრო;
10. კატარი;
11. საუდის არაბეთი.

სიაში, ასევე არის ალბანეთი, ავსტრალია,ისრაელი,იაპონია, ლიბანი, ახალი ზელანდია, ჩრდილოეთ მაკედონია, რუანდა, სერბეთი, სინგაპური, სამხრეთ კორეა, ტაივანი, ტაილანდი და აშშ. 

ყველა ეს ქვეყანა კორონავირუსის ახალი შემთხვევების დაბალი მაჩვენებლით გამოირჩევა.