EU-ს წევრი ქვეყნების მუდმივმა წარმომადგენლებმა რუსეთის წინააღმდეგ სანქციების მეშვიდე პაკეტი დაამტკიცეს, რომლის ფარგლებშიც ევროკავშირმა რუსული ოქროს იმპორტი აკრძალა. ასევე გაყინა “სბერბანკის” აქტივები. ამის შესახებ ევროკავშირში ლიეტუვას მუდმივმა წარმომადგენელმა, არნოლდას პრანკევიჩუსმა „ტვიტერზე” დაწერა.
„ეს არის მეშვიდე პაკეტი. ჩვენ ახლახან დავამტკიცეთ რუსეთის წინააღმდეგ სანქციების ახალი პაკეტი, რომელიც მოიცავს ოქროს აკრძალვას, ექსპორტზე დამატებით შეზღუდვებს, „სბერბანკის“ აქტივების გაყინვას და 50-ზე მეტი ახალი ფიზიკური და იურიდიული პირის, მათ შორის პოლიტიკოსების, სამხედრო მეთაურების, ოლიგარქების, პროპაგანდისტების სანქცირებას“, – წერს პრანკევიჩუსი.
შეგახსენებთ, რომ სანქციების მეშვიდე პაკეტი ევროკომისიამ 15 ივლისს წარადგინა.
კომენტარები
Loading ...