ევროკავშირი რუსეთში ევროს ბანკნოტების შეტანას კრძალავს. ამის შესახებ ინფორმაცია ევროკავშირის ოფიციალურ ჟურნალში გამოქვეყნდა. აკრძალვა ძალაში 12 მარტიდან შევა.
კერძოდ, ევროკავშირი ფიზიკურ და იურიდიულ პირებს, ასევე ორგანიზაციებსა და რუსეთის სახელმწიფო დაწესებულებებს, მათ შორის მთავრობას და ცენტრობანკს უკრძალავს, გაყიდოს, გადასცეს ან რუსეთში შეიტანოს ევროს ბანკნოტები, ასევე ნებისმიერი საშუალებით გამოიყენოს ისინი რუსეთის ტერიტორიაზე.
აკრძალვა არ ეხება რუსეთში ნაღდი ფულის შეტანას, რაც დაკავშირებულია რუსეთში საელჩოების, საკონსულოებისა და საერთაშორისო ორგანიზაციების დაფინანსებასთან, რომლებსაც დიპლომატიური იმუნიტეტი გააჩნიათ.
ასევე არ ეკრძალებათ ევროს ბანკნოტების შეტანა იმ პირებს, ვინც ქვეყანაში სამოგზაუროდ შევა.
კომენტარები
Loading ...
