ეგვიპტის ქალაქ ჰურგადაში ზვიგენი თავს დაესხა წითელ ზღვაში მოცურავე ქალს. ამის შესახებ Al Arabiya-მ და ეგვიპტეში რუსეთის გენერალურმა საკონსულომ განაცხადეს.
ზვიგენის თავდასხმა კურორტ საჰლ ჰაშიშთან მოხდა. შედეგად ქალმა ხელი და ფეხი დაკარგა. ის საავადმყოფოში გარდაიცვალა.
გენერალური საკონსულო ამტკიცებს, რომ გარდაცვლილი ტურისტი იყო, მაგრამ არა რუსეთიდან. Al Arabiya-ს ცნობით, საუბარია ავსტრიის 68 წლის მოქალაქეზე, რომელიც ბოლო პერიოდში მუდმივად ცხოვრობდა ეგვიპტეში .
ზვიგენის თავდასხმის შემდეგ სამი დღით აიკრძალა ცურვა, თევზაობა და წყლის სპორტი საჰლ ჰაშიშის რაიონიდან მაკადის ყურემდე.
რია ნოვოსტის ცნობით, ბოლო რამდენიმე წლის განმავლობაში, ადგილობრივი მედია არ ავრცელებდა ინფორმაციას ჰურგადას სანაპიროზე დიდი თეთრი ზვიგენების აქტიურობის შესახებ. 2010 წლის დეკემბერში, ეგვიპტის კიდევ ერთი კურორტის შარმ-ელ-შეიხის მიდამოში, ხუთი ზვიგენი თავს დაესხა დამსვენებლებს. დაიღუპა გერმანიის მოქალაქე, დაშავდა სამი რუსი და ერთი უკრაინის მკვიდრი.
Loading ...