ეგვიპტის წითელი ზღვის სანაპიროზე ზვიგენის თავდასხმას ერთი ტურისტი ემსხვერპლა, მეორე კი დაშავდა, – ინფორმაციას BBC-ი ავრცელებს.
გამოცემის ცნობით, ეგვიპტის გარემოს დაცვის სამინისტროს განცხადებაში აღნიშნულია, რომ შემთხვევა საკურორტო ქალაქ მარსა ალამის ჩრდილოეთით მოხდა. უწყების ცნობით, ტურისტებზე თავდასხმა “ღრმა წყლებში, საცურაო ზონის გარეთ” მოხდა.
საინფორმაციო სააგენტო „ფრანს-პრესის“ ცნობით, დაღუპული და დაშავებული ტურისტები იტალიის მოქალაქეები არიან. დაღუპული 48 წლის მამაკაცია, დაშავებული კი – 69 წლის.
მომხდართან დაკავშირებით, მარსა ალამში საცურაო ტერიტორია დაიხურა და გამოძიება მიმდინარეობს.
ზვიგენების კვლევის დამოუკიდებელი ინსტიტუტის მონაცემების მიხედვით, ბოლო 10 წლის განმავლობაში, წითელ ზღვაში ზვიგენების თავდასხმის შედეგად ადამიანების დაღუპვის ოთხი დადასტურებული შემთხვევა დაფიქსირდა
Loading ...