დღეს ტოკიოში ზაფხულის ოლიმპიადა იწყება

დღეს ტოკიოში ზაფხულის ოლიმპიადა იწყება, რომელიც 8 აგვისტოს დასრულდება. 24 აგვისტოდან 5 სექტემბრამდე კი პარაოლიმპიური თამაშები გაიმართება.

ოლიმპიადაზე სპორტსმენები 33 სახეობაში დაუპირისპირდებიან ერთმანეთს, პარაოლიმპიადაზე კი – 22 სახეობაში. ტოკიო დაახლოებით 11 000 სპორტსმენს მასპინძლობს.

ოლიმპიადა გასულ წელს უნდა გამართულიყო, თუმცა კორონავირუსის პანდემიის გამო გადაიდო. საერთაშორისო ოლიმპიური კომიტეტი ამტკიცებს, რომ ოლიმპიადა, რომელიც მაყურებლის გარეშე ჩატარდება, „უსაფრთხო და დაცული” იქნება.

ცერემონია თბილისის დროით 15:00 საათზე დაიწყება. 

საქართველოს დროშით, ქვეყნის დელეგაციას ძალოსანი ლაშა ტალახაძე გაუძღვება ცხრაგზის ოლიმპიელ, ტყვიის მსროლელ ნინო სალუქვაძესთან ერთად. საქართველოდან ოლიმპიადაში მონაწილეობს 35 სპორტსმენი.