დღეს საქართველოში შვიდი მიწისძვრა დაფიქსირდა

თბილისის დროით 17:54 საათზე საქართველოში კიდევ ერთი, დღეისათვის რიგით მეშვიდე მიწისძვრა დაფიქსირდა. მისი სიმძლავრე 3.5 მაგნიტუდას შეადგენდა. მიწისქვეშა ბიძგების ეპიცენტრი ქალაქ დმანისიდან სამხრეთ-დასავლეთით – 23კმ-ში სოფელ სამებასთან იყო.

დედამიწის შემსწავლელი ცენტრის მონაცემებით, პირველი, 4.8 მაგნიტუდის სიმძლავრის ბიძგები 07:36 საათზე დაფიქსირდა.

მას მოჰყვა 4.7 მაგნიტუდის სიმძლავრის მიწისძვრა 09:10 საათზე, 3.1 მაგნიტუდის სიდიდის მიწისძვრა 09:18 საათზე და ისევ 3.1 მაგნიტუდის სიდიდის მიწისძვრა 09:48 საათზე.

შემდეგ 45 წუთში კი ერთმანეთის მიყოლებით იმავე ზონაში 3.3, 3.2 და 3.7 სიმძლავრის ბიძგები დაფიქსირდა.

ბოლო რამდენიმე წელია, სოფელ სამებაში მიწისძვრა თვეში რამდენჯერმე ხდება.