დღეს კორონავირუსი ოზურგეთში სამ პედაგოგს დაუდასტურდა

დღეს კორონა ვირუსი ოზურგეთის საჯარო სკოლების – სოფელ ლიხაურის, სოფელ ვაკიჯვრისა და ქ.ოზურგეთის N 2 საჯარო სკოლის პედაგოგებს დაუდასტურდათ. როგორც ოზურგეთის საზოგადოებრივი ჯანდაცვის ცენტრში გვითხრეს, საგულისხმო დეტალია ის, რომ დაინფიცირებულ მასწავლებლებს ბოლო 48 საათის განმავლობაში კონტაქტი არ ჰქონიათ სკოლასთან, კოლეგებთან და მოსწავლეებთან, რადგანაც მათ სიმპტომები ორი დღის წინ გამოუვლინდათ. გადავა თუ არა სოფელ ვაკიჯვრისა და ოზურგეთის N 2 საჯარო სკოლები სწავლების ჰიბრიდულ რეჟიმზე ამას დღის ბოლომდე გადაწყვეტენ. სოფელ ლიხაურის საჯარო სკოლა კი ონლაინ სწავლებაზე ისედაც იყო გადასული.