დღეს, ოზურგეთის მუნიციპალიტეტის დაბა ლაითურში პენიტენციური დაწესებულება იხსნება. მას იუსტიციის მინისტრი რატი ბრეგაძე გახსნის.
ლაითურის ციხე მცირე ზომის პენიტენციური დაწესებულებაა და გათვლილი იქნება 700-მდე პატიმარზე.
”საქართველოში ადამიანის უფლებების დაცვისა და მსჯავრდებულთა/ბრალდებულთა საცხოვრებელი პირობების უმაღლესი სტანდარტებით უზრუნველყოფა, ასევე, სპეციალური პენიტენციური სამსახურის თანამშრომლების სამუშაო გარემოზე მუდმივი ზრუნვა – იუსტიციის სამინისტროს ერთ-ერთი ძირითადი პრიორიტეტია. ლაითურის ახალი პენიტენციური დაწესებულებაც სწორედ ამ მიზანს ემსახურება. ის სრულად მორგებულია როგორც ბრალდებულთა/მსჯავრდებულთა, ისე დაწესებულების თანამშრომელთა საჭიროებებს”. – ნათქვამია უწყების მიერ გავრცელებულ განცხადებაში.
ლაითურის პენიტენციური დაწესებულებაში დასაქმდება 500-მდე ადამიანი, მათ შორის, ადგილობრივი მაცხოვრებლებიც.
კომენტარები
Loading ...
