დღეს, 07:00 საათიდან სავაჭრო მოლები იხსნება

საქართველოს მთავრობის გადაწყვეტილებით, დღეიდან 2 იანვრის ჩათვლით, დიდ ქალაქებში, თბილისში, რუსთავში, ქუთაისში, ბათუმში, გორში, ზუგდიდში, ფოთსა და თელავში სავაჭრო ცენტრები/მოლები გარკვეული შეზღუდვებით გაიხსნება.

კერძოდ:

– მაღაზიების სამუშაო საათები განისაზღვრება დილის 07:00-დან 19:00 საათამდე; 

– მომხმარებელების სავაჭრო სივრცეში დაშვება უნდა მოხდეს ნაკადების მკაცრი მართვით, რისთვისაც: 

– მაღაზიის ფართის ყოველ 20მ2 დაიშვება არაუმეტეს ერთი მომხმარებელი 

– მაღაზიების როგორც შიდა, ასევე მაღაზიის გარე სივრცეში უნდა მოხდეს მომხმარებელთა რიგების მართვა; 

– ფასდაკლებების აქციები გამოცხადდეს ძირითადად დილის საათებში ან/და ონლაინ გაყიდვების შემთხვევაში; 

– ტანსაცმლის მაღაზიებში არ იმუშავებენ გასახდელები; 

– ამასთან, მომხმარებელთა ინტერესების დაცვის მიზნით, მაღაზიებმა უნდა დაუშვან პროდუქციის დაბრუნება ან გადაცვლა ერთი თვის განმავლობაში და ეს უნდა მომხდეს მხოლოდ 1 თებერვლის შემდეგ; 

– სავაჭრო ცენტრებში იკრძალება კვების ობიექტების ფუნქციონირება, მათ შორის გადატანის სერვისით; 

– ყველა სივრცეში და მაღაზიის გარეთ რიგებში დაცული უნდა იყოს სოციალური დისტანცია და პირბადეების სწორად ტარების მოთხოვნები; 

– აღნიშნულზე სრული პასუხისმგებლობა ეკისრება სავაჭრო ობიექტების ადმინისტრაციას; 

– ნებისმიერი დარღვევის დადგენის შემთხვევაში ობიექტების მიმართ გამოყენებული იქნება კანონით დადგენილი ყველა ღონისძიება, როგორც დაჯარიმება, ასევე საქმიანობის შეჩერება. 

გადაწყვეტილება უწყებათშორისმა საბჭომ 22 დეკემბერს გამართულ სხდომაზე მიიღო. აღსანიშნავია, რომ შეზღუდვების შემსუბუქება არ გავრცელდება ბაზრობებზე. „საკოორდინაციო საბჭომ მიიღო გადაწყვეტილება რომ 24 დეკემბრიდან 22 იანვრის ჩათვლით შეზღუდვების შემსუბუქება არ განხორციელდეს იმ მასშტაბით, რა მასშტაბითაც ეს იყო თავიდან დაგეგმილი. შესაბამისად, საკოორდინაციო საბჭოს გადაწყვეტილებით, ბაზრობები არ გაიხსნება, თუმცა, მუშაობას ისევ გააგრძელებენ აგრარული ბაზრები, წესების სრული დაცვის პირობით”, – განაცხადა მაია ცქიტიშვილმა 22 დეკემბერს საკოორდინაციო საბჭოს დასრულების შემდეგ.

www.bm.ge