დღეიდან ნებისმიერი მსურველი სწრაფ ტესტს ვერ გაიკეთებს, მის გასაკეთებლად ექიმის მიმართვა გახდა საჭირო

დაავადებათა კონტროლის ეროვნული ცენტრის გადაწყვეტილებით ანტიგენზე დამყარებული სწრაფი ტესტები თვითდინებით შესული პირებისთვის დროებით აღარ გაკეთდება და ტესტირების ასაღებად ექიმის მიმართვა იქნება საჭირო. ტესტირებების გაკეთებაზე შეზღუდვა 20 აპრილიდან 27 აპრილამდე გასტანს. აღნიშნულის შესახებ ინფორმაცია ოზურგეთის საზოგადოებრივი ჯანდაცვის ცენტრის უფროსმა, მაია ქუტიძემ დაგვიდასტურა.

“მივიღეთ მითითება დაავადებათა კონტროლის ეროვნული ცენტრიდან, რომ 20 აპრილიდან – 27 აპრილის ჩათვლით კოვიდინფექციის გამოსავლენად ტესტირებები ექიმის მიმართვის გარეშე არ ჩავატაროთ. PSR ტესტს ისედაც ასე ვატარებდით, ეს ცვლილება სწრაფ, ანტიგენზე დამყარებულ ტესტს შეეხო’’ – გვითხრა მაია ქუტიძემ.

ჩვენს კითხვაზე – აღნიშნული ცვლილება, მომატებულმა შემთხვევებმა და შესაბამისად მოქალაქეების მომართვიანობამ გამოიწვია თუ არა, ქუტიძემ პასუხისგან თავი შეიკავა და გვითხრა, რომ მისი სამსახური დაავადებათა კონტროლის ცენტრის მითითებებს ასრულებს