დიმიტრი პესკოვი – მოსკოვმა კიევს უკრაინაში რუსეთის შეიარაღებული ძალების სპეცოპერაციის შეჩერების პირობები დაუსახელა

რუსეთის პრეზიდენტის პრესმდივანი დიმიტრი პესკოვი აცხადებს, რომ მოსკოვმა კიევს უკრაინაში რუსეთის შეიარაღებული ძალების სპეცოპერაციის შეჩერების პირობები დაუსახელა.

მისი თქმით, ოპერაცია შეიძლება დასრულდეს „ნებისმიერ მომენტში“, თუ უკრაინის ხელისუფლება შეასრულებს რუსული მხარის პირობებს.

კრემლის სპიკერმა ხაზგასმით აღნიშნა, რომ უკრაინამ უნდა შეცვალოს კონსტიტუცია და უარი თქვას „ნებისმიერ ბლოკში“ გაწევრიანებაზე. გარდა ამისა, მან უნდა აღიაროს ყირიმი რუსეთის ტერიტორიად და ასევე დონეცკისა და ლუგანსკის სახალხო რესპუბლიკების დამოუკიდებლობა.

„ჩვენ ნამდვილად ვამთავრებთ უკრაინის დემილიტარიზაციას. ჩვენ ამას დავასრულებთ, მათ უნდა შეწყვიტონ საომარი მოქმედებები“, – განაცხადა პესკოვმა.