დედაქალაქი ნარკოტიკების ბუდედ გადაიქცა. ნარკორეალიზატორები გასაყიდ საშიშ პრეპერატებს პირდაპირ საცხოვრებელ კორპუსებში მალავენ. სამალავებად ელექტროსადენებს, დაზიანებულ კედლებს და სადარბაზოებს იყენებენ.
ყველაზე მძიმე ვითარება ამ მხრივ დიდ დიღომშია. მოსახლეობა გამაოგნებელ ფაქტებს ყვება. მათი თქმით, პრეპერატები და გამოყენებული შპრიცები ყოველდღიურ რეჟიმში ხვდებათ, ამ ყველაფერს კი მცირეწლოვნებიც ხედავენ.
შემთხვევების სიმრავლის გამო სამართლდამცველებს აღნიშნული პრობლემის აღმოფხვრა უჭირთ.
კაბელებში მალავენ ამ ნარკოტიკულ საშუალებებს. ახლა მე ახალი არ ვარ ამასთან და ახალ ველოსიპედზე არ ვლაპარაკობ, და მერე, უბრალოდ, ვიღაცა მოდის, გლიჯავს ამ კაბელებს, კარგი, ერთხელ იყო, ორჯერ იყო… მაგრამ გუშინდელი ღამე იყო უკვე პიკი. დაგლეჯილია სადარბაზოში ყველაფერი. მოგლეჯილია ბეტონები, გაზის რაღაცეები დაზიანებული, კაბელებია მოგლეჯილი… აგერ, მაგალითად, ორი კორპუსი სილქნეთის ტელევიზიის გარეშე დარჩა. ანუ სქემაა ასეთი: რაღაცა წამალს მალავენ, მერე ვირაცა მოდის შეტყობინების საფუძველზე, ეტყობა ერთმანეთს უკავშირდებიან, და მერე იწყება ამის მოძებნა. ანუ კონკრეტულ ლოკაციას, ეტყობა, არ ეუბნებიან და იწყება მე-14 სართულიდან და მთელ სართულზე, ყველაგან, სადაც შეიძლება სამალავად გამოიყენო ეს კაბელები სადაც გადის, იმას გლიჯავენ. ახლა ჩვენ ოფიციალურად დაბომბილები ვართ, – ამბობს ადგილობრივი.
Loading ...