დატოვებს თუ არა ნიკა გვარამია ციხეს – დღეს სააპელაციო სასამართლოში დასკვნითი პროცესია

გაუღებს თუ არა ციხის კარს ,,ქართული ოცნება” ნიკა გვარამიას – 4 საათში სააპელაციო სასამართლოში დასკვნითი პროცესია. ,,მთავარი არხის” დამფუძნებელი მოსამართლეებს საბოლოო სიტყვით მიმართავს. გამორიცხული არ არის,  კოლეგიამ ვერდიქტი დღესვე გამოაცხადოს.

სამართლიანია სასამართლოს იმედი არ აქვს ნიკა გვარამიას ადვოკატს. დიმიტრი საძაგლიშვილი პირდაპირ ამბობს, რომ საქმე პოლიტიკურად მოტივირებულია და მოსამართლეთა ვერდიქტიც პოლიტიკური იქნება. მიმსივე თქმით, ნიკა გვარამიას გათავისუფლება ეს არა მხოლოდ ერთი ადამიანის, არამედ მთელი ქვეყნის დემოკრატიის გადარჩენის გზაა.

თუ რამეში ვარ დარწმუნებული, ერთადერთი არის ის, რომ სააპელაციოს მოუწევს პოლიტიკური წნეხის პირობებში გადაწყვეტილების მიღება, როგორც ეს მოხდა პირველი ინსტანციის სასამართლოს შემთხვევაში. მოსამართლეებმა უნდა გააცნობიერონ, რომ მართალია, ერთის მხრივ შეიძლება მათზე მომდინარეობდეს ზეწოლა ხელისუფლების მხრიდან, მაგრამ მეორეს მხრივ, მათი გადაწყვეტილება, თუკი ისინი ძალაში დატოვებენ უკანონო განაჩენს პირველი ინსტანციის და დატოვებენ უკანონო პატიმრობაში ნიკა გვარამიას, უარყოფითად აისახება არა მხოლოდ ერთი ადამიანის და ტელევზიის ბედზე, არამედ, ზოგადად, ამ ქვეყნის პროდასავლურ მომავალზე, რაც იმას ნიშნავს, რომ მათის ახელები აუცილებლად ცაიწერება საქართველოს ისტორიაში, უბრალოდ, მათ უნდა აირჩიონ როგორ, – ამბობს ადვოკატი. 

პოზიტიური მოლოდინი არც ოპოზიციას აქვს.

გადაწყვეტილება მიიღო პირადად ივანიშვილმა და პუტინის გარემოცვამ, ფაქტობრივად, რომ ნიკა გვარამია ჰყოლოდათ გამოგონილი ბრალდებით ციხეში, ამიტომ მოლოდინი, რომ ნიკა გვარამიას ვინმე გაათვაისუფლებს, სამწუხაროდ, არ მაქვს, თუმცა თუ ეს გადაწყვეტილება მიღებული იქნა, ამ გადაწყვეტილებას მიიღებს მხოლო და მხოლოდ ბიძინა ივანიშვილი, – ამბობს ენმ-ს წევრი ირაკლი ნადირაძე. 

ნიკა გვარამიას პროცესი სააპელაციო სასამართლოში 15:00 საათზეა ჩანიშნული.

ნიკა გვარამიას საქალაქო სასამართლომ 3 წლითა და 6 თვით პატიმრობა 16 მაისს შეუფარდა. მას პროკურატურა ედავება ჯერ კიდევ “რუსთავი 2”-ის დირექტორობის დროს, სამაუწყებლო კომპანიის “კანონიერი ინტერესების საწინააღმდეგოდ უფლებამოსილების ბოროტად გამოყენებასა და მისი კუთვნილი დიდი ოდენობით თანხის სამსახურებრივი მდგომარეობით გამოყენებას”.