კიდევ ერთი საპროტესტო აქცია აჭარის ტელევიზიასთან. მონაწილეებმა კიდევ ერთხელ სცადეს ეთქვათ ხელისუფლებისთვის, რომ საზოგადოებრივი მაუწყებელი საზოგადოების ინტერესს ატარებს და არ მისცემენ უფლებას სხვას, რომ მაუწყებელი იყოს მიკერძოებული. საპროტესტო აქციას ორგანიზებას „ალტერნატიული პროფკავშირები“ უწევდა. მას შემდეგ, რაც მაუწყებლის მრჩეველთა საბჭომ ახალი დირექტორი აირჩია, გიორგი კოხრეიძის გადაწყვეტილებით, რამდენიმე ჟურნალისტს შრომითი ხელშეკრულება შეუწყდა, ნაწილს კი პირობები შეეცვალა.
“ვითხოვთ ღირსეულ შრომით პირობებს“ „ვინ იქნება შემდეგი“- მსგავსი შინაარსის ბანერებით აქცია, აჭარის საზოგადოებრი მაუწყებელთან საათ ნახევრის განმავლობაში გრძელდებოდა. მოთხოვნა უცვლელი იყო, დაუბრუნდეს მაუწყებელს სიტყვის თავისუფლება და დირექტორის, გიორგი კოხრეიძის მიერ გათავისუფლებული თანამშრომლები. საპროტესტო აქციის მონაწილეებმა გზის სავალი ნაწილი გადაკეტეს. პროტესტს ალტერნატიული პროფკავშირები ხელმძღვანელობდა.
საპროტესტო აქციაზე, მაუწყებლის რამდენიმე მოქმედი თანამშრომელიც იმყოფებოდა. მათ, მენეჯმენტს აქციიდან კიდევ ერთხელ უთხრეს, რომ ტელევიზიაში უნდა იყოს სიტყვის თავისუფლების გარანტია და ის იდეა, რომელსაც საზოგადოებრივი მაუწყებელი ითვალისწინებს.
აქციაზე, შეკრებილები იყვნენ სხვდასხვა პოლიტიკური პარტიის წარმომადგენლები. ისინი მენეჯმენტის მხრიდან მაუწყებელზე პოლიტიკური ზეწოლაზე საუბრობენ.
ეს არ იყო პირველი საპროტესტო აქცია საზოგადოებრივი მაუწყებლის აჭარის ტელევიზიისა და რადიოს მენეჯმენტის წინააღმდეგ მას შემდეგ, რაც მრჩეველთა საბჭომ ახალი დირექტორი აირჩია. გიორგი კოხრეიძის გადაწყვეტილებით, რამდენიმე ჟურნალისტს შრომითი ხელშეკრულება შეუწყდა, ნაწილს კი პირობები შეეცვალა. აქცია ისე დასრულდა, მაუწყებლის მენეჯმენტი აქციის მონაწილეებთან არ გამოსულა. ისინი მოვლენებს მაუწყებლის აივნიდან აკვირდებოდნენ.
Loading ...
