დაზიანებული ავტომობილები, სახურავები და მოგლეჯილი ხეები – სტიქია ბათუმში

ბათუმში, ქარიშხალმა კობალაძის ქუჩაზე კორპუსს სახურავი მოგლიჯა.

როგორც ამ ქუჩაზე მცხოვრები მოქალაქე „ბათუმელებს“ ატყობინებს, მოგლეჯილი სახურავი კორპუსის წინ ავტომანქანებს დაეცა.

„დაზიანდა სამი ავტომობილი“- ამბობს მოქალაქე.

ძლიერმა ქარმა ხე მოგლიჯა მახინჯაურში, რკინიგზის სადგურის წინ, შედეგად საავტომობილო გზა ცალმხრივად ჩაკეტილი იყო. მომხდარმა ბათუმში შესასვლელში საცობი გამოიწვია.

ბათუმში დილიდან ავდარია. დასავლეთის ქარის სიჩქარე პერიოდულად 17-25 მეტრს აღწევს წამში.