დააკავეს კაცი, რომელმაც რძალი მოკლა

მამამთილმა რძალი მოკლა აჭარაში. შემთხვევა ხელვაჩაურის მუნიციპალიტეტის სოფელ სალიბაურში მოხდა.

63 წლის მამაკაცმა 40 წლის ქალს სანადირო თოფიდან ზურგის არეში ესროლა – ის ადგილზე დაიღუპა. მკვლელობის მიზეზად ოჯახური კონფლიქტი სახელდება.

მამამთილი დაკავებულია, ნივთმტკიცების სახით ამოღებულია დანაშაულის ჩადენის იარაღი – სანადირო თოფი. გამოძიება განზრახ მკვლელობის მუხლით მიმდინარეობს.

მოკლულს ორი მცირეწლოვანი შვილი დარჩა. ოჯახი მომხდართან დაკავშირებით მედიასთან არ საუბრობს.

მომხდართან დაკავშირებით შსს განცხადებას ავრცელებს –

“აჭარის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად, 1959 წელს დაბადებული ლ.ბ. განზრახ მკვლელობის ბრალდებით დააკავეს. დანაშაული 10- დან 15 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ ბრალდებულმა მამაკაცმა ხელვაჩაურის მუნიციპალიტეტში, ურთიერთშელაპარაკების ნიადაგზე წარმოშობილი კონფლიქტის დროს, სანადირო თოფიდან გასროლით მოკლა 1982 წელს დაბადებული თ. ჯ.

პოლიციამ ლ.ბ. ცხელ კვალზე დააკავა.

სამართალდამცველებმა დანაშაულის ჩადენის იარაღი – სანადირო თოფი ნივთმტკიცების სახით ამოიღეს. განზრახ მკვლელობის ფაქტზე გამოძიება საქართველოს სისხლის სამართლის კოდექსის 108-ე მუხლით მიმდინარეობს.