პოლიციამ ქურდობის, ძარცვის და ნარკოტიკული საშუალების შემცველი მცენარის უკანონო დათესვა, მოყვანა-კულტივირების ბრალდებით 1 პირი, 1988 წელს დაბადებული წარსულში ნასამართლევი მ.თ. დააკავა. სსკ მუხლები 8 წლამდე ვადით თავისუფლების აღკვეთას ითვალისწინებს.
“გამოძიებით დადგინდა, რომ ბრალდებულმა სხვადასხვა დროს, თბილისში მდებარე ბინებში ქურდობის მიზნით უკანონოდ შეაღწია, საიდანაც ძვირადღირებული ნივთები და კომპიუტერული ტექნიკა მოიპარა, რის შემდეგაც შემთხვევის ადგილიდან მიიმალა.
საქმეზე ჩატარებული საგამოძიებო მოქმედებებისა და ოპერატიული ღონისძიებების
შედეგად, პოლიციამ მ.თ. ბრალდებულის სახით დააკავა და ნაქურდალი ნივთების ნაწილი ნივთმტკიცების სახით ამოიღო.
გამოძიებით ასევე დადგინდა, რომ დაკავებულმა ჩაიდინა თბილისში ერთ-ერთი ძარცვაც.
სამართალდამცველებმა ასევე, მ.თ.-ს საცხოვრებელი ბინის ჩხრეკისას, ამოიღეს, ნარკოტიკული საშუალების შემცველი მცენარის კულტივირებისთვის მოწყობილი სპეციალური სათბური და “მცენარე კანაფი” – აცხადებს შსს.
Loading ...