დღეს ოზურგეთის კლინიკა “მედალფაში” “სინოფარმით” ვაქცინაცია დაიწყო. ჩინური ვაქცინა პირველმა სახელმწიფო რწმუნებულმა გურიის მხარეში გიორგი სახოკიამ გაიკეთა. ვაქცინის გასაკეთებლად ემზადება გუბერნატორის მოადგილე ქეთევან მოისწრაფეშვილიც. დღეს ოზურგეთში “სინოფარმის” ვაქცინით 41 ადამიანი, ხოლო “ასტრაზენეკათი” 30 ადამიანი აიცრება.აღსანიშნავია, რომ “სინოფარმით” ვაქცინაციისთვის მომდევნო ოთხი დღე უკვე მთლიანად დაჯავშნილია. ასევე, აქტიურად გრძელდება ვაქცინაცია “ასტრაზენეკათი”, რომლითაც გურიის რეგიონში 450 ადამიანი უკვე აიცრა.