საქართველოს მთავრობამ რამდენიმე ათეული ჰესის, ქარის და მზის ელექტროსადგურის პროექტის თაობაზე პირდაპირი კონტრაქტები შეწყვიტა – ამის შესახებ მთავრობის 13 ოქტომბრის განკარგულებიდან ხდება ცნობილი.
საუბარია საერთო ჯამში 1746,5 მგვტ. სიმძლავრის ენერგეტიკულ პროექტებზე, რომლებიც განვითარების ადრეულ (სადოკუმენტაციო) ეტაპზე იყო და მათზე სახელმწიფოსა და ინვესტორს შორის შესაბამისი მემორანდუმები გაფორმებული არ იყო. ამ პროექტებზე სახელმწიფო ხელშეკრულებების გაფორმებას პირდაპირი კონტრაქტების დადებით გეგმავდა.
იხილეთ მთავრობის განკარგულება:
აღნიშნულ ჩამონათვალში მოხვდა გურიაში დაგეგმილი ჰესების მშენებლობებიც.
| სს „სუფსა ენერჯი“ | ბარამიძე 2 ჰესი | 7.7 მგვტ. | 39.8 მლნ.კვტ.სთ |
სს „სუფსა ენერჯის“,საინციატივო შეთავაზების შემდეგ, რიგი ობიექტური მიზეზების გამო, არ მომხდარა მათთან შესაბამისი ხელშეკრულების/მემორანდუმის გაფორმება.
| შპს „ენერჯი დეველოფმენტ ჯორჯია“ | სურეზი 3 ჰესი | 7.5 მგვტ. | 37.07 მლნ.კვტ.სთ |
| სს „ზოტი ჰიდრო“ | ზოტის ჰიდროელექტროსადგური | 46 მგვტ. | 169.2 მლნ.კვტ.სთ |
სს „ზოტი ჰიდრომ“ „ზოტის ჰიდროელექტროსადგურის“ თაობაზე განაცხადი წარმოადგინა N556 დადგენილებით მოთხოვნილი ნორმების დარღვევით, რადგან აღნიშნული პროექტი უკვე წლების განმავლობაში იმყოფება სამშენებლო ფაზაზე, ხოლო N556 დადგენილების მოქმედება არ ვრცელდება ამ დადგენილების ამოქმედებამდე არსებულ მშენებლობის ფაზაში მყოფ პროექტებზე.შეჩერდა ჩოხატაურის მუნიციპალიტეტის, სოფელ გუთურში დაგეგმილი მზის ელექტროსადგურის აშენებაც.
| შპს „აიდივი ენერჯი“ | გუთურის მზის ელექტროსადგური | 3.9 მგვტ. | 4.59 მლნ.კვტ.სთ |
საერთო ჯამში, გურიაში და საქართველოს სხვა რეგიონებში დაგეგმილი ჰიდროელექტროსადგურების და მზის ელექტროსადგურების გათვალისწინებით, საქმე ეხება 1746,5 მგვტ, სიმძლავრის პროექტებს.
Loading ...