გურიაში, ბოლო 24 საათის განმავლობაში, 9 ახალი შემთხვევა დაფიქსირდა, აქედან 4 მათგანი ჩოხატაურის მუნიციპალიტეტის სოფელ ზოტში დაფიქსირდა.განახლებული ინფორმაცია დაავადებათა კონტროლის ეროვნული ცენტრის გურიის განყოფილების ხელმძღვანელმა, არჩილ მჟავიამ მოგვაწოდა.
“დღეს დაგვემატა 9 შემთხვევა, ინფიცირების რაოდენობა მთლიანად გურიაში 48 გახდა. ამ ცხრა შემთხვევიდან 4 არის ოზურგეთის, თვითიზოლაციიდან, ოთხივე მათგანი გადაყვანილია ქუთაისის ინფექციურ საავადმყოფოში. ერთი შემთხვევა არის ქობულეთიდან, 4 შემთხვევა დაემატა ჩოხატაურის მუნიციპალიტეტის სოფელ ზოტში, რომლის კონტაქტებია კვლევა უკვე დაწყებულია, საზოგადოებრივი ჯანდაცვა უკვე იქ არის და ჩვენც მივდივართ. ვნახავთ, შევაფასებთ და ვიმოქმედებთ ყველა რეკომენდაციის გათვალისწინებით”, – განაცხადა მჟავიამ.
ამ დროის მონაცემებით, აპრილის თვიდან მოყოლებული, გურიაში კორონავირუსზე სულ 6145 ადამიანია გატესტილი.
კომენტარები
Loading ...