გურიაში აცრის მსურველთა რაოდენობამ იმატა

გურიის რეგიონში ფინანსურმა წახალისებამ 60 წელს ზევით პირებში ვაქცინაციის გაფართოებას სტიმული მისცა. რეგიონში ბოლო ორი კვირის განმავლობაში იმუნიზაციის ცენტრებში აცრის მსურველთა რაოდენობამ იმატა. გურიის რეგიონში შვიდი ამცრელი პუნქტი ფუნქციონირებს , სადაც ხელმისაწვდომია ,,სინოფარმის“, ,,სინოვაკის“-ა და ,,ფაიზერის“ ვაქცინები. იმუნიზაციის მსურველებს კოვიდ 19-ის საწინააღმდეგო ვაქცინებთან ერთად, სეზონური გრიპის 4- კომპონენტიანი ვაქცინითაც შეუძლიათ აცრა. ვაქცინაციის პროცესს ადგილზე სახელმწიფო რწმუნებული ლანჩხუთის, ოზურგეთისა და ჩოხატაურის მუნიციპალიტეტებში გიორგი ურუშაძე გაეცნო.