ლანჩხუთის მუნიციპალიტეტის სოფელ ნიგვზიანში არასრულწლოვანს მატარებელი დაეჯახა.
ინფორმაციას მომხდარის შესახებ “გურია ნიუსი” ავრცელებს.
თვითმხილველთა ინფორმაციით, ლიანდაგზე გადადიოდნენ ბავშვები, და-ძმა. გოგონამ გადაასწრო, ბიჭმა კი გადასვლა ვეღარ მოასწრო და მატარებელი დაეჯახა.
დაშავებული ბავშვი ჯერ ლანჩხუთის ,,მედალფას” კლინიკაში გადაიყვანეს, მოგვიანებით კი ქუთაისში. როგორც დაშავებულის ახლობლები აცხადებენ მოზარდს თავი აქვს დაზიანებული, თუმცა ტრავმა სიცოცხლისთვის შეუთავსებელი არ არის.
,,საკმაოდ მძიმე დაზიანებები აქვს და ქუთაისში გადაიყვანეს. მეექვსე კლასის მოსწავლე ბავშვია. შემთხვევა დღეს, დღის პირველნახევარში მოხდა,”- აცხადებს მერის წარმომადგენელმა ნიგვზიანში, ირაკლი გუჯაბიძე “გურია ნიუსთან”.
მომხდარზე გამოძიება სისხლის სამართლის კოდექსის 275-ე მუხლის მეორე ნაწილით დაიწყო, რაც რკინიგზის მოძრაობის უსაფრთხოების ან ექსპლუატაციის წესის დარღვევას გულისხმობს იმ ადამიანის მიერ, ვისაც ამ წესის დაცვა სპეციალურად ევალება, რამაც ჯანმრთელობის ნაკლებად მძიმე ან მძიმე დაზიანება გამოიწვია
Loading ...