გურიანთის საჯარო სკოლის შემდეგ ოზურგეთში ონლაინ სწავლებაზე კიდევ ერთი სკოლა გადავიდა

გურიანთის საჯარო სკოლის შემდეგ ონლაინ სწავლებაზე კიდევ ერთი სკოლა გადავიდა. კორონავირუსის გავრცელების საშიშროების გამო ხვალიდან ონლაინ სწავლებაზე სოფელ თხინვალის საჯარო სკოლა გადადის. აქ სკოლის დისტანციურ სწავლებაზე გადასვლის მიზეზი პედაგოგები და მათი ოჯახური კონტაქტებია. როგორც ოზურგეთის საგანმანათლებლო რესურსცენტრის დირექტორმა ლელა იმედაშვილმა გვითხრა, თხინვალში პედაგოგთა 25 % იზოლაციაში, ინფიცირებულებთან ახლო კონტაქტის გამო იმყოფებიან. სწორედ ეს გახდა სასწავლო დაწესებულების უკონტაქტო სწავლებაზე გადაყვანის მიზეზი. რაც შეეხება ჰიბრიდულ სწავლებას, ამ ეტაპისათვის ხსენებული წესით 10 სკოლა აგრძელებს სასწავლო პროცესს. ინფიცირების შემთხვევები მასწავლებლებში ოთხია, ბავშვებში კი ჩვიდმეტს აღწევს.

მასალა მომზადებულია პროექტის “ჩვენ ვირჩევთ, ჩვენ ვაკონტროლებთ” ფარგლებში.

Funded through the Alumni Grants Program, U.S. Embassy in Georgia/დაფინანსებულია საქართველოში აშშ–ის საელჩოს ალუმნი საგრანტო პროგრამის ფარგლებში.