გურიაTV –ის პროექტი ახალგაზრდებისთვის – შესაძლებლობების ახალი სივრცე ოზურგეთში

უკვე რამდენიმე თვეა გურიაTV– ის ეთერში ახალგაზრდა რეპორტიორების მიერ შექმნილი რეპორტაჟები და ახალი სატელევიზიო პროგრამა ‘’სივრცე ახალგაზრდებისთვის’’ გამოჩნდა.

‘’განათლებული პროფესიონალი კადრები რეგიონული მედიის გაძლიერებისთვის’’ – ასე ქვია პროექტს, რომელიც ”თავისუფალმა მედია სივრცემ” რეგიონში მცხოვრები ახალგაზრდებისთვის შექმნა და მათ ახალი პროფესიის დაუფლების შესაძლებლობა მისცა.

პროგრამის მონაწილეებისთვის ეს პროფესიული განვითარების და საზოგადოებრივ პროცესებში უფრო ღრმად ჩახედვის შესაძლებლობა აღმოჩნდა. როგორც ახალგაზრდები ამბობენ, პროექტმა მათ მნიშვნელოვანი ცოდნა და უნარები შესძინა.

პროგრამის ფარგლებში სტაჟიორებს რეპორტიორის პროფესიის დაუფლებაში გურიაTV-ის ჟურნალისტები და წამყვანები ეხმარებიან. ჟურნალისტი ნინო ვაშალომიძე ამბობს, რომ ამ პროექტის შედეგები ლოგიკურად რეგიონული მედიის გაძიერებაზეც აისახება.

”თავისუფალი მედია სივრცის” მისია, გარდა მაყურებლისთვის მნიშვნელოვანი მედია–პროდუქტების შექმნისა და საზოგადოებისთვის თავისუფალი სივრცის შეთავაზებისა, სამოქალაქო სექტორის და რეგიონში მცხოვრები ახალგაზრდების გაძლიერებაა. ორგანიზაციის დამფუძნებელი ავთანდილ გველებიანი ამბობს, რომ პროგრამამ  წარმატებული შედეგები  რამდენიმე მიმართულებით მოიტანა და სასარგებლო აღმოჩნდა, როგორც თავად პროგრამის მონაწილეებისთვის, ისე საზოგადოებისთვის და თავად მედიაორგანიზაციისთვისაც.

პროგრამა კვლავ გრძელდება, მონაწილეები ამჟამად ახალგაზრდული პროგრამის უკვე მეორე გადაცემას ამზადებენ და ცდილობენ მასში საზოგადოების ნამდვილი განწყობები, საჭიროებები და ინტერესები ასახონ. ‘’გურიაTV’’ –ში იმედოვნებენ, რომ თანამშრომლობა ახალგაზრდებთან სხვადასხვა ფორმით კვლავ გაგრძელდება. რადგან ამერიკის შეერთებული შტატების საელჩოს მიერ დაფინანსებულმა ამ პროგრამამ კიდევ ერთხელ აჩვენა, თუ რამდენად ძლიერად ესაჭიროებათ რეგიონებში მცხოვრებ ახალგაზრდებს შესაძლებლობების ახალი არეალის შეთავაზება და ამ პროცესში საბოლოოდ არა მხოლოდ ჟურნალისტებად, არამედ როგორც მინიმუმ აქტიურ და პასუხისმგებლიან მოქალაქეებად ჩამოყალიბება.

„ეს ვიდეო  შექმნილია კამპანია „ეს ქვეყანა შენიას“ ფარგლებში, რომელსაც ახორციელებს სამოქალაქო საზოგადოების ინსტიტუტი ევროკავშირისა და კონრად ადენაუერის ფონდის მხარდაჭერით. მის შინაარსზე სრულად პასუხისმგებელია <მედია-საშუალება> და შესაძლოა, რომ იგი არ გამოხატავდეს სამოქალაქო საზოგადოების ინსტიტუტის, ევროკავშირისა და კონრად ადენაუერის ფონდის შეხედულებებს.“