საქართველოს საფეხბურთო ჩემპიონატის მესამე ლიგაში დღეს მეათე ტურის მატჩები გაიმართა.
ლანჩხუთის „გურიამ“ საკუთარ მოედანზე ხობის “კოლხეთს” უმასპინძლა. მატჩი მასპინძელთა დიდი უპირატესობით წარიმართა. ლანჩხუთელებმა სტუმრები დიდი ანგარიშით დაამარცხეს, 5-0.
მატჩის მთავარი გმირი დათა სიჭინავა გახდა, რომელმაც პოკერი შეასრულა, ოთხი გოლი გაუტანა კოლხეთს. ერთი გოლი კიდევ თორნიკე კაპანაძემ გაიტანა.
ათი მატჩის შემდეგ ლანჩხუთელებს 21 ქულა აქვთ და ამ მომენტისთვის სატურნირო ცხრილის სათავეში იმყოფებიან. 21-21 ქულა აქვთ “თბილისი 2025” და “ორბს”, თუმცა ჯერჯერობით მათ ერთი მატჩით ნაკლები აქვთ ჩატარებული.
მორიგ შეხვედრას “გურია” 15 მაისს გამართავს და სტუმრად “ვიტ ჯორჯიას” შეხვდება.
კომენტარები
Loading ...