''გურია იქნება პირველი რეგიონი, სადაც ამაზე ვილაპარაკებ'' – ზურაბ გირჩი ჯაფარიძე

ზურაბ გირჩი ჯაფარიძე გურიის რეგიონში მოსახლეობასთან შეხვედრამდე ტელეკომპანია ”გურიაTV”-ის სტუმრობდა.

”ამას პირველად ვტესტავ და გურია იქნება პირველი რეგიონი, სადაც ამ ორ საკითხზე ვისაუბრებ. ერთი არის ის,  თუ რისი გაკეთებაც უნდა ”გირჩს” მომავალ პარლამენტში და მეორე არის რატომ უნდა აირჩიონ ადამიანებმა ”გირჩი”,  რითი ვართ ჩვენ განსხვავებულები.

ჩვენი მთავარი ამოცანა არის, რომ საქართველო, რომელიც  თავისი არსით არის საბჭოთა ქვეყანა და გავხადოთ მართლა თავისუფალ ქვეყნად.  რადგან თავისუფლება არის კეთილდღეობის და პროგრესის წინაპირობა . თუ რამე განსხვავება არსებობს თავისუფალ სამყაროსა და პოსტსაბჭოთა ქვეყნებს, მათ შორის საქართველოს შორის, რომლებიც ჯერ კიდევ სიღარიბეში არიან, არის თავიუსფლების ნაკლებობა. თუ ჩვენ გვინდა სწრაფი განვითარება, ამას სჭირდება მეტი თავისუფლების მოპოვება, მაგრამ ამ თავისუფლებას აქვს თავისი  კონკრეტული განზომილებები. ერთ- ერთია სახელმწიფოს ხელში არსებული ქონების დაბრუნება ხალხისთვის.  იმიტომ რომ საბჭოთა კავშირის პერიოდში, ბოლშევიკური ოკუპაციის დროს, სახელმწიფომ ხალხს ყველაფერი ჩამოართვა. მიუხედავად იმისა, რომ საბჭოთა კავშირი დავშალეთ და აქედან 30 წელი გავიდა, აქტივების უდიდესი ნაწილი არის ისევ სახელმწიფოს ხელში, ჩვენს წინაპრებს რაც წაართვეს ბოლშევიკებმა, ისევ სახელმწიფოს ხელშია. თუ გვინდა სწრაფი განვითარება, ეს საკუთრება არის დასაბრუნებელი – უძრავი ქონება, ტყეები, სასარგებლო წიაღისეული,  მიწები და ა.შ. მათი ღირებულება სხვადასხვა გათვლებითრამდენიმე ათეულ მილიონამდე, ზოგჯერ ტრილიონამდეც კი ადის. ეს ყველაფერი უნდა დაბრუნდეს ხალხის ხელში, რათა ხალხმა მართოს და წარმატებული და მომგებიანი გახადოს აღნიშნული ქონება”- განაცხადა ზურაბ გირჩი ჯაფარიძემ ”გურიაTV”-ის ეთერში.

ინტერვიუ სრულად, ტელეკომპანია ”გურიაTV”- ის ეთერში, 20:30 ზე, საინფორმაციო გამოშვებაში გავა.