“გურია თუდეი” – ქალთა საფეხბურთო კლუბი „ლანჩხუთი“ 17 ფეხბურთელმა დატოვა

გამოცემა “გურია თუდეის” ინფორმაციით ქალთა საფეხბურთო კლუბი „ლანჩხუთი“ 17-მა ფეხბურთელმა დატოვა.

გამოცემა წერს, რომ „ლანჩხუთი“, რომელიც ქალთა შორის საქართველოს მოქმედი ჩემპიონია, ერთბაშად 17-მა ფეხბურთელმა დატოვა. ისინი ძირითადად ორ ქართულ გუნდში გადანაწილდნენ.

ახალი სეზონიდან თბილისის „ლუსოს“ ღირსებას დაიცავენ: თეონა სუხაშვილი, გვანცა ქადაგიშვილი, სოფიო ნარსია, ირინა ხაბურძანია, თეონა ბაქრაძე, იამურ იალვაჩი და ანამარია ბეჟა.

ჩხოროწყუს „სამეგრელოს“ შემადგენლობაში ითამაშებენ: ეკა თაბაგარი, ანა წულაია, ანი გობრონიძე, ლანა გორგაძე და მარიამ კაპანაძე.

“გურია თუდეი” ასევე წერს, რომ ქალთა მთავარი ლიგის შარშანდელი სეზონის დებიუტანტ „ელიტას“ სახელი შეეცვალა, „ლუსო“ გახდა და „ლანჩხუთის“ ყოფილი ფეხბურთელის, იამურ იალვაჩის მამის, ბურჰან იალვაჩის საკუთრებაა, რომელიც ასევე ფლობს ამავე სახელწოდების საერთაშორისო კომპანიას. უფროსი იალვაჩი ბოლო თვეების მანძილზე ლანჩხუთის ქალთა გუნდთან თანამშრომლობდა, იქამდე კი ორი წლის მანძილზე მისი მთავარი კონკურენტის, „ნიკე-ლუსოს“ სპონსორი გახლდათ.

წაიკითხეთ უფრო ვრცლად