“გულისტანის” თანამშრომლების გაფიცვა კვლავ გრძელდება

ოზურგეთის მუნიციპალიტეტში ფქვილის მწარმოებელი შპს “გურია ექსპრესის” თანამშრომლები კვლავ გაფიცულები არიან. დასაქმებულები ხელფასის გაზრდას,სამუშაო პირობების გაუმჯობესებას და ჯანმრთელობის დაზღვევას ითხოვენ და პროტესტის ნიშნად უკვე მეოთხე დღეა აღარ მუშაობენ. ისინი ხელმძღვანელობის მხრიდან დამამცირებელ მოპყრობაზეც საუბრობენ. კომპანიის წარმომადგენლები დღეს ადგილზე აღარ გამოჩენილან. გუშინ შპს-ს ადვოკატის მიერ გაკეთებული განცხადების თანახმად კი ხელფასის გაზრდის გარდა “გურია ექსპრესი” გაფიცული თანამშრომლების მიერ წამოყენებულ პირობებს მაქსიმალურად შეასრულებს. დღეს ადგილზე იმყოფებოდნენ ახალგაზრდა იურისტთა ასოციაციის წევრებიც. საია თანამშრომლების სამართლებრივ მხარდაჭერას აპირებს. გაფიცულებს ჰყავთ საკუთარი ადვოკატიც, გეგმავენ სამართლებრივ დავას და კომპანიის მხრიდან ყველა პირობის შესრულებამდე სამუშაოზე დაბრუნებას არ აპირებენ.