გრემის საუკუნოვანი კომპლექსი განადგურების ზღვარზე. არასწორად ჩატარებულ სარეაბილიტაციო სამუშაოებს კიდევ ერთი უნიკალური ტაძარი ეწირება. გრემი 2020 წელს კრამიტით გადახურეს, მანამდე არსებული დროებით დაფარებული ე.წ ბრეზენტი კი სახურავიდან არ მოუხსნიათ, რომლის ნარჩენები სახურავის ქვეშ ფრიალებს. ახლა ყოველი წვიმა გრემისთვის განაჩენია. იქ წყალი ჩადის, კედლები დაბზარულია და ჩამოშლის პირას არის. ხელოვნებათმცოდნეებმა განგაშის სიგნალი უკვე ჩართეს და კულტურის სამინისტრო გელათის შემდეგ ახლა უკვე გრემის განადგურების მცდელობაში ადანაშაულებენ.
ხელოვნებათმცოდნეები ამბობენ, რომ გრემში სისტემური ხასიათის ხარვეზებია, რომელსაც კულტურის სამინისტრო ვერ უმკლავდება.
“რასაც ჩვენ დღეს გრემში ვხედავთ, ეს არის სისტემური ხასიათის ხარვეზები, რომელსაც ვერ უმკლავდება კულტურის სამინისტრო. სამუშაოები არ მიმდინარეობს არაკომპეტენტურად. ინფორმაცია, თუ როგორი უნდა ყოფილიყო პროექტი და როგორ უნდა შერულებულიყო სამუშაოები, არის ფაქტიურად ხელმიუწვდომელი”. – ამბობს ხელოვნებათმცოდნე დეა მეტრეველი.
კულტურის სამინისტროდან ამ დრომდე არ არის პასუხი კითხვაზე, თუ რა ბედი ელოდება კულტურული მემკვიდრეობის ძეგლს.
Loading ...
