გორში მომხდარი სროლის შედეგად შვილის შემდეგ მამაც გარდაიცვალა

გორში მომხდარი სროლის შედეგად დაჭრილი 1970 წელს დაბადებული დ.ც. კლინიკაში გარდაიცვალა.

შეგახსენებთ, რომ დღეს გორში ერთმა პირმა, ურთიერთშელაპარაკების ნიადაგზე, ცეცხლსასროლი იარაღიდან გასროლით, ორ პირს — მამა-შვილს — რამდენიმე ჭრილობა მიაყენა. ინციდენტის შედეგად შვილი, 1993 წელს დაბადებული გ.ც., ადგილზე გარდაიცვალა.

შინაგან საქმეთა სამინისტრომ მომხდარ ფაქტთან დაკავშირებით 1975 წელს დაბადებული ს.ა. ცხელ კვალზე დააკავა. გამოძიება ორი პირის მიმართ დამამძიმებელ გარემოებაში ჩადენილი განზრახ მკვლელობის მუხლით (სსკ-ის 19-109-ე მუხლის “ლ” ქვეპუნქტი) გრძელდება.