სინოდის წევრის მხარდაჭერა უკრაინაში მოსკოვის საპატრიარქოს – მიტროპოლიტ ონოფრეს წერილს გორისა და ატენის მიტროპოლიტი ანდრია გვაზავა სწერს. საუბარია მოსკოვის საპატრიარქოს დაქვემბებარებაში მყოფ მიტროპოლიტ ონოფრეზე, რომელსაც კიევ-პეჩორის ლავრა და სხვა მონასტრები ჩამოერთვა.
ინფორმაცია მოსკოვის საპატრიარქომ თავის ოფიციალურ გვერდზე სხვა მხარდამჭერ განცხადებებთან ერთად გამოაქვეყნა. წერილში გორის მიტროპოლიტი ამბობს, რომ უკრაინის მართლმადიდებლურ ეკლესიაზე მიმდინარე ძალადობრივი ზემოქმედება მიუღებელია როგორც სასულიერო ისე სამოქალაქო კანონმდებლობით.
“საქართველოს ეკლესია ღრმად დამწუხრებულია უკრაინაში მიმდინარე ტრაგიკული მოვლენების გამო, რასაც კიდევ უფრო ამძიმებს უკრაინის მართლმადიდებელი ეკლესიის ეს მძიმე გამოცდა. ბევრი მორწმუნე ავლებს პარალელს ბოლშევიკურ პერიოდში ეკლესიის დევნასთან.
ვლოცულობთ ღვთის წყალობისა და უსწრაფესი მშვიდობისათვის თქვენს ქრისტესმოყვარე სამშობლოსათვის, ეკლესიისა და ხალხის ერთიანობისთვის, უკრაინის მართლმადიდებელი ეკლესიის ყველა წევრის სულისა და სხეულის განმტკიცებისთვის, მისი მეთაურობით, უნეტარესი მიტროპოლიტი ონოფრესი, სინოდის წევრების, თანამოძმეების და მორწმუნე ხალხის”, – ციტირებს რუსეთის საპატრიარქო გორისა და ატენის მიტროპოლიტის სიტყვებს. უკრაინის მართლმადიდებელი ეკლესია კანონიკურად მოსკოვის საპატრიარქოს ნაწილია. 2013 წელს მიტროპოლიტი ონოფრე პირადად ვლადიმირ პუტინს ჰყავს დაჯილდოებული.
Loading ...