გოგა ბითაძის მესამე ორმაგი დუბლი და გამარჯვება ყოფილ გუნდთან

გოგა ბითაძის „ორლანდო მეჯიქმა“ მიმდინარე სეზონში ზედიზედ მეოთხე გამარჯვება მოიპოვა. ამჯერად მისი მეტოქე იყო გოგას ყოფილი კლუბი „ინდიანა პეისერსი“, რომელიც „მეჯიქმა“ დაძაბულ ბრძოლაში 94:90 დაამარცხა.

ქართველი ცენტრი კვლავ სასტარტო შემადგენლობაში იყო და NBA-ის მიმდინარე სეზონში მესამე ორმაგი დუბლი ჩაიწერა: 12 ქულა, 12 მოხსნა. მან მოედანზე 28 წუთი გაატარა, 7-დან 6 ორქულიანი გამოიყენა და სტატისტიკა თითო ჩაჭრა-პასითა და 2 დაფარებით გაიმდიდრა.

კვლავ გამორჩეული მატჩი ჰქონდა „ორლანდოს“ გერმანელ ფორვარდს, ფრანც ვაგნერს, რომელმაც 29 ქულა ჩააგდო.

„მეჯიქს“ 7 მოგება, 6 წაგება აქვს და აღმოსავლეთის კონფერენციაში მესამე ადგილზეა.