რუსთაველის გამზირზე, პარლამენტის წინ მიმდებარე აქციას, რომელიც გაერთიანებული ოპოზიციისა და სამოქალაქო საზოგადოების ორგანიზებით იმართება სოციალურ ქსელში აფასებს პარლამენტის დეპუტატი, ქართული ოცნების პოლიტსაბჭოს წევრი და პარტიის რეგიონებთან ურთიერთობის სამსახურის უფროსი დიტო სამხარაძე.
მისი თქმით, გლდანის სკვერის გახსნაზე უფრო მეტი ხალხი იყო, ვიდრე დღეს რუსთაველის გამზირზე დგას:
“რუსულ-ნაცური პარტიები, ერთად სულ ეს არის. გლდანის სკვერის გახსნაზე, კახა კალაძესთან, უფრო მეტნი იყვნენ სამი დღის წინ”, _ წერს სამხარაძე.
რუსთაველის გამზირზე აქცია რამდენიმე წუთის წინ დაიწყო და მოქალაქეები, რომლებიც საკონსიტუციო ცვლილებების და 2020 წლის არჩევნების პროპორციული წესით ჩატარების ჩავარდნას აპროტესტებენ, პარლამენტის წინ ახლაც მიდიან.
აქციას რეგიონებიდან ჩამოსული ადამიანებიც უერთდებიან.
აღსანიშნავია, რომ იგივე მოთხოვნით აქციას მართავს პატრიოტთა ალიანსიც, რომელიც 17 საათზე რესპუბლიკის მოედანზე უნდა დაიწყოს.
Loading ...
