''გირჩი'' გურიაშია – ზურაბ გირჩი ჯაფარიძემ შეხვედრა ოზურგეთში გამართა

პოლიტიკური გაერთიანება “გირჩის” ლიდერმა ზურაბ გირჩი ჯაფარიძემ საარჩევნო შეხვედრები რეგიონებში გურიიდან დაიწყო. დღეს ჯაფარიძემ შეხვედრა ოზურგეთში გამართა და შეკრებილებს გირჩის პოლიტიკურ გეგმებზე ესაუბრა. შეხვედრაზე გაჟღერებული ძირითადი საკითხები სასამართლო სისტემის რეფორმა, კერძო საკუთრების საკითხები, საარჩევნო სისტემა და განათლება იყო. ზურაბ ჯაფარიძის განცხადებით, მას გურიაში საარჩევნო შტაბი არ ექნება, ამის ფინანსური შესაძლებლობა პარტიას არა აქვს. ოქტომბრის არჩევნებზე გირჩს საარჩევნო უბნებზე წარმომადგენლები ეყოლება, რათა მიღებული ხმების დაცვა შეძლოს. ხვალ და ზეგ ჯაფარიძე შეხვედრებს უკვე ლანჩხუთის და ჩოხატაურის მოსახლეობასთან გამართავს.