თბილისი: გვიწევს რეალურად დეპუტატების შეკავება ჩვენ იმისათვის, რომ მათ რაღაცნაირად არ გამოხატონ ემოციები, რომლებიც აქვთ ამ გარე აქციასთან დაკავშირებით, – ამის შესახებ საპარლამენტო უმრავლესობის წევრმა, ირაკლი კობახიძემ ჟურნალისტებთან საუბრისას განაცხადა.
ირაკლი კობახიძის თქმით, პოლიტიკური ოპოზიცია მძიმე მდგომარეობაშია, რადგან აქციაზე 200 კაცზე მეტს ვერ კრებენ.
“აქციასთან დაკავშირებით, გვიწევს რეალურად დეპუტატების შეკავება ჩვენ იმისათვის, რომ მათ რაღაცნაირად არ გამოხატონ ემოციები, რომლებიც აქვთ ამ გარე აქციასთან დაკავშირებით. ეს 100 დეპუტატი ეყოფა იმ 198 კაცს, რომელიც დგას პარლამენტის გარშემო, თუ ემოციებზეა საუბარი. ამიტომ როცა ოპოზიციაზეა საუბარი, ისინი არიან მძიმე მდგომარეობაში. 200 კაცზე მეტს ვერ კრებენ“, – განაცხადა ირაკლი კობახიძემ.
ირაკლი კობახიძის თქმით, უმჯობესია ოპოზიცია კრიზისსა და მილევად რეჟიმშია.
“ოპოზიცია ეძებს გამოსავალს იმ კრიზისული მდგომარეობიდან, რომელშიც ისინი არიან ჩავარდნილი. ისინი არიან მძიმე კრიზისში. ისინი არიან მილევად რეჟიმში. არა მარტო აქციის კუთხით, ზოგადად მილევად რეჟიმში არიან. არიან დესტრუქციულ გარემოში, რომელიც ალბათ, თვითონაც არ მოსწონთ. დესტრუქცია კარგია, როდესაც რაღაც გიმაგრებს ზურგს.
გვიწევს უმრავლესობის დეპუტატების ემოციების დარეგულირება, რომ 200 კაცთან დაკავშირებით რაიმე არ მოხდეს. ეს არის რეალური ვითარება, კარგად შეაფასონ რესურსები და 200 კაცით მუშტებს ნუ აბრახუნებენ. ეს მათთვისვეა საშიში“, – განაცხადა ირაკლი კობახიძემ.
წყარო: frontnews.eu
Loading ...