გერმანიაში, ბავარიაში აფთიაქების გაქურდვისთვის საქართველოს მოქალაქეები დააკავეს. შემთხვევა ქალაქ კამში მოხდა.
ივნისის დასაწყისში 20 და 30 წლის კაცებმა კამში მდებარე აფთიაქებიდან ძვირადღირებული კოსმეტიკა და ტანის მოვლის საშუალებები მოიპარეს. ზარალმა რამდენიმე ათასი შეადგინა.
როგორც გერმანული მედია წერს, ნივთების მოპარვის შემდეგ კაცებმა აფთიაქის დატოვებისას სალაროსთან მხოლოდ მცირე თანხა გადაიხადეს ქართული საკრედიტო ბარათიდან. მოპარული პროდუქტის დიდი ნაწილი კი ჩანთაში ჰქონდათ გადამალული. დანაშაულში ეჭვმიტანილები 17 ივნისს მას შემდეგ დააკავეს, რაც მათ საკრედიტო ბარათი კვლავ გამოიყენეს ბენზინგასამართ სადგურზე.
ვიდეოკამერების ჩანაწერებით პოლიციამ მათი გადაადგილების მარშრუტი გაარკვია და ორივე ეჭვმიტანილი დააკავა. ისინი ამჟამად ბავარიის სასჯელაღსრულების დაწესებულებაში იმყოფებიან.
კომენტარები
Loading ...