ორშაბათს გათენებისას ქურდები შეიპარნენ დრეზდენის ძვირფასეულობის საცავში Grünes Gewölbe, სადაც ინახება ევროპაში ყველაზე დიდი იუველირული ნაკეთებობებისა და ძვირფასეულობის კოლექცია. ეს ბოლო წლების ერთ-ერთი უდიდესი ქურდობაა გერმანიაში. პოლიციამ ალყა შემოარტყა სასახლეს. ქურდობის დეტალები არ ხმაურდება. მუზეუმი, რომელიც განთავსებულია ყოფილ სამეფო რეზიდენციაში, დახურულია. მძარცველები მიიმალნენ. დაახლოებით დილის 5 საათზე უახლოეს ენერგოგამანაწილებელ სადგურზე სახანძრო განგაში გამოცხადდა. ფიქრობენ, რომ ხანძარი ხელოვნურად იყო გამოწვეული, რათა მწყობრიდან გამოეყვანათ მუზეუმის დაცვის სისტემა. გერმანული პრესა წერს, რომ ქურდებმა დააზიანეს პირველი სართულის გისოსები და შევიდნენ დარბაზში. ჯერჯერობით უცნობია რა წაიღეს მძარცველებმა.
კოლექცია Grünes Gewölbe (“მწვანე სარდაფები”) შეაგროვა საქსონიის მმართველმა ავგუსტ ძლიერმა მე-18 საუკენეში.
საქსონიის პრემიერ მინისტრის განცხადებით – ძვირფასეულობას თავისუფალი საქსონიელი ხალხი საუკუნეების მანძილზე აგროვებდა. ძვირფასეულობის საცავს, რომელიც მეორე მსოფლიო ომის შემდეგ თითქმის მთლიანად განადგურებული აღადგინეს, მან საქსონიის ისტორიის განუყოფელი ნაწილი უწოდა.
www.bbc.com
Loading ...
