ოზურგეთში, ივანე ჯავახიშვილის და ფარნავაზ მეფის ქუჩების კვეთაზე უკვე ორი თვეა ხიდი აღებულია და ავტომობილით გადაადგილება შეზღუდულია. მოსახლეობის თქმით, ხიდი ავარიული იყო, ასევე მოუწესრიგებელი იყო სანიაღვრე არხები და აღნიშნული ორი მიზეზით ხელისუფლებამ ხიდის დემონტაჟი მოახდინა. თავდაპირველი დათქმით, ხიდი უკან ერთ თვეში უნდა დაებრუნებინათ, თუმცა უკვე მეორე თვეა არ ჩანს. გაუჩინარებული ხიდის გამო ბავშვებს არხშ ფეხით გასვლა უწევთ, რომ სახლამდე მივიდნენ, ხოლო წვიმის შემდეგ, როცა წყალი ადიდებულია, ქუჩის მეორე მხარეს გაზიფიცირების მილების საშუალებით გადადიან. რაც შესაძლოა არხში ჩავარდნისა და სხეულის დაზიანების ფასად დაუჯდეთ. შესაბამისად, მოსახლეობა ხიდის დროულად აღდგენას ითხოვს.
”გურიაTV” კომენტარისთვის ოზურგეთის მუნიციპალიტეტის მერიას დაუკავშირდა. ადგილობრივი ხელისუფლების პასუხის თანახმად, აღნიშნულ პრობლემასთან დაკავშირებით ტენდერი დასრულებულა, გამოვლენილია გამარჯვებული კომპანია, რომელმაც ხსენებული სამუშაო უნდა შეასრულოს და პროექტის განხორციელება უახლოეს მომავალში დაიწყება.
ავტორი: ლიკა თურქაძე
მომზადებულია პროექტის “მეტი მედია განათლება – ნაკლები სივრცე ფეიკ-ნიუსებისა და დეზინფორმაციისთვის” ფარგლებში.
Loading ...
