გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, ბათუმში, მძაფრი სუნის გავრცელების ფაქტზე საქმის წარმოება რამდენიმე მიმართულებით დაიწყეს. აღნიშნულ ინფორმაციას გარემოსდაცვითი ზედამხედველობის დეპარტამენტი ავრცელებს.
„ შავი ზღვის დაცვის კონვენციური სამმართველოს თანამშრომლების მიერ, ზღვის დაბინძურების ფაქტი არ გამოვლინდა. აჭარისა და გურიის რეგიონული სამმართველოს ინსპექტორების მიერ, ბათუმის პორტის უნაპირო ნავმისადგომზე, ნედლი ნავთობით გემის დატვირთვის ფაქტზე შესწავლა დაწყებულია“, – ნათქვამია გავრცელებულ ინფორმაციაში.
ბათუმში მოქალაქეები 8 იანვრის დილიდან გაზის მძაფრ სუნს უჩივიან, თუმცა, მისი გამოწვევი მიზეზი ჯერჯერობით უცნობია. სოციალურ ქსელ Facebook-ზე ბათუმელები წერენ, რომ მძაფრი სუნის გამო მათ თავის ტკივილი და ღებინების შეგრძნებაც აწუხებთ.
Loading ...