გარდაიცვალა მამაკაცი, რომელმაც კიევში სასამართლოში პოლიციელების მისამართით ასაფეთქებელი მოწყობილობა გამოიყენა

მამაკაცი, რომელმაც კიევში, შევჩენკოვსკის სასამართლოში ასაფეთქებელი მოწყობილობა გამოიყენა, გარდაიცვალა. ამის შესახებ „როიტერი“ წერს.

უკრაინის შინაგან საქმეთა მინისტრის, იგორ კლიმენკოს განცხადებით, გარდაცვლილი პირი, რომელიც ეჭვმიტანილი იყო 2015 წელს მძიმე დანაშაულის ჩადენაში, რის შედეგადაც დაიღუპა უკრაინის ეროვნული გვარდიის ოთხი სამხედრო მოსამსახურე, სასამართლოში ის მორიგ პროცესზე მიიყვანეს.

გავრცელებული ინფორმაციით, მამაკაცი ოთახში ჩაიკეტა და პოლიციელებმა ოთახის განბლოკვა როდესაც შეძლეს, მათ ასაფეთქებელი მოწყობილობა ესროლა. ამის შემდეგ ეჭვმიტანილმა სხვა ოთახში ჩაკეტვა მოახერხა, უარი თქვა ოფიციალურ პირებთან მოლაპარაკებაზე და დაშავებულ ორ ოფიცერს მეორე მოწყობილობა ესროლა.

უკრაინის შინაგან საქმეთა მინისტრის თქმით, მამაკაცი ამ დაპირისპირების დროს დაიღუპა.

„მას შემდეგ, რაც ოთახის კარი, სადაც ეჭვმიტანილი იკეტებოდა, განბლოკეს, პოლიციელებს კიდევ ერთი ასაფეთქებელი მოწყობილობა ესროლა. მათი სიცოცხლე მხოლოდ მათ წინ არსებულმა ფარებმა გადაარჩინეს. დაშავებულები არიან პოლიციელები. დაზიანებული აქვთ ქვედა კიდურები, ამჟამად სამედიცინო დაწესებულებებში იმყოფებიან, მათ სიცოცხლეს საფრთხე არ ემუქრება“, – აღნიშნა იგორ კლიმენკომ.

ამჟამად, ადგილზე ბომბის განადგურების ექსპერტები მუშაობენ , რათა დარწმუნდნენ, რომ დანაშაულის ადგილზე ასაფეთქებელი ნივთები ან მოწყობილობები არ არის. გამოძიება გრძელდება იმის დასადგენად, თუ როგორ აღმოაჩნდა ბრალდებულს ასაფეთქებელი მოწყობილობა სასამართლოში.