გარდაიცვალა ამერიკელი მსახიობი მაიკლ მედსენი

67 წლის ასაკში ამერიკელი მსახიობი მაიკლ მედსენი გარდაიცვალა.

1 ივლისს მედსენი საკუთარ სახლში გარდაცვლილი იპოვეს. სიკვდილის ზუსტი მიზეზი ამ ეტაპზე არ სახელდება.

მედსენის სამსახიობო კარიერა 1982 წელს დაიწყო. 1983 წელს პირველი შესამჩნევი როლი ითამაშა ფილმში WarGames.

საყოველთაო ცნობადობა და პირველი დიდი წარმატება კვენტინ ტარანტინოს სადებიუტო ფილმ Reservoir Dogs-ში განსახიერებულმა მისტერ ბლონდის როლმა მოუტანა. მომავალში მედსენმა ტარანტინოს კიდევ 4 ფილმში ითამაშა: Reservoir Dogs, Kill Bill Vol. 1, Kill Bill Vol. 2, The Hateful Eight, Once Upon a Time in Hollywood.

შესრულებული აქვს მეორეხარისხოვანი როლები ფილმებში: Donnie Brasco, Thelma & Louise, Blueberry, Free Willy, Sin City.

2008 წელს ფილმ Strenght and Honor-ში შესრულებული როლისთვის მიიღო ბოსტონისა და ნიუ-იორკის დამოუკიდებელი კინოს ფესტივალების ჯილდო.

მისი უმცროსი და არის ოსკარის ნომინანტი მსახიობი ვირჯინია მედსენი.