გარდაიცვალა 20 წლის ახალგაზრდა, რომელსაც ბათუმში მშენებლობიდან ჩამოვარდნილი საგანი დაეცა

გარდაიცვალა 20 წლის კაცი, რომელსაც ბათუმში მშენებლობიდან ჩამოვარდნილი საგანი დაეცა. შემთხვევა 12 ივნისს, კობალაძის ქუჩაზე მოხდა.

საგნის დაცემის შედეგად კაცმა გონება დაკარგა, ის კლინიკაში გადაიყვანეს.

გამოცემა ბათუმელების ცნობით, კლინიკა ბაუ-ში აცხადებენ, რომ კაცს ნეიროქირურგიული ოპერაცია ჩაუტარდა, თუმცა ის რეანიმაციულ განყოფილებაში დარჩა და გარდაცვალებამდე ხელოვნური სუნთქვის აპარატზე იყო მიერთებული.