გამყრელიძის თქმით, ოზურგეთის მერი ჯანდაცვის სისტემაში გამოცდილია და სამოდელო მუნიციპალიტეტად ოზურგეთი ამიტომაც შეირჩა

დღეს დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორი ამირან გამყრელიძე ოზურგეთში სხვადასხვა სფეროს წარმომადგენლებს ხვდებოდა. მან ისაუბრა ვაქცინაციის კამპანიაზეც, რომლის ფარგლებშიც ოზურგეთი ერთ-ერთი სამოდელო მუნიციპალიტეტია.

”ოზურგეთი არის ერთ-ერთი სამოდელო მუნიციპალიტეტი, სადაც გვინდა, საერთო ძალისხმევით, ვაქცინაციით მოსახლეობის მაქსიმალურ მოცვას მივაღწიოთ. ზოგადად გურიის მოსახლეობის მოცვა თბილისის, რაჭა-ლეჩხუმის და აჭარის შემდეგ უფრო მეტია, ვიდრე ქვეყნის საშუალო მოცვა. სამოდელოდ, მოგეხსენებათ, შევარჩიეთ გურჯაანი და ოზურგეთი გარკვეული მიზეზების გამო. იმიტომ, რომ ორივეგან ახლადარჩეული მერები გახლავთ ჯანდაცვის სისტემაში ფრიად გამოცდილები და ამიტომ ვთხოვეთ, რომ ძალისხმევა იყოს მაქსიმალური. ”- განაცხადა შეხვედრის დასრულების შემდეგ ამირან გამყრელიძემ.