გაზის ნამწვით თბილისში ჩოხატაურელი ახალგაზრდა გარდაიცვალა

გაზის ნამწვის დაგროვების შედეგად, თბილისში, ჩოხატაურის მუნიციპალიტეტის სოფელ შუა ამაღლებაში მცხოვრები 28 წლის ირინა კალანდაძე გარდაიცვალა.

შემთხვევა გუშინ მოხდა.

როგორც სოფელში მერის წარმომადგენელმა გვითხრა, კალანდაძე ნაქირავებ ბინაში, მარტო ცხოვრობდა:

_ თბილისში მუშაობდა და ნაქირავებ ბინაში ცხოვრობდა. სამსახურში რომ არ მივიდა მის ძმას დაურეკეს.

სწორედ ძმამ იპოვა გაზის ნამწვით გაგუდული, _ გვითხრეს სოფელში.

ირინა კალანდაძეს შუა ამაღლებაში დღეს ჩამოასვენებენ.

აღსანიშნავია, რომ გუშინ, თბილისში, გაზის ნამწვის დაგროვების შედეგად, 30 წლის ოზურგეთელი ქალი გარდაიცვალა, ხოლო მისი 23 წლის ძმა, სიკვდილს, საავადმყოფოში, ამ დრომდე ებრძვის.