საკონსტიტუციო სასამართლოს თავმჯდომარე მერაბ ტურავამ, პრეზიდენტის მიერ კონსტიტუციის დარღვევის დადგენასთან დაკავშირებით, საკონსტიტუციო სასამართლოს მიღებულ გადაწყვეტილებაზე დამატებითი განმარტებები გააკეთა. მისი თქმით, სასამართლომ პრეზიდენტის საიმპიჩმენტო წარდგინებაზე სამართლებრივად სწორი გადაწყვეტილება მიიღო.
ტურავას განცხადებით, პრეზიდენტთან დაკავშირებით გადაწყვეტილება მიღებულია – 6 ხმით 3-ის წინააღმდეგ, რაც დემოკრატიულია და ნიშნავს, რომ მოსამართლეებზე ზეწოლა არ მომხდარა.
“გადაწყვეტილება, რომელიც მივიღეთ საკონსტიტუციო სასამართლოში, სამართლებრივად, ერთადერთი სწორი გადაწყვეტილებაა. თუ პოლიტიკურ გადაწყვეტილებას მივიღებდით ან ემოციურად იქნებოდა ჩვენი გადაწყვეტილება დატვირთული, შეიძლებოდა, სხვაგვარი გადაწყვეტილება მიგვეღო. გადაწყვეტილება იქნა მიღებული ექვსი სამის წინააღმდეგ, სრულიად დემოკრატიულია. ჩვენ არ გვჭირდება არავის ზეწოლა, არ ვითვალისწინებთ არავის აზრს, ჩვენ მხოლოდ იმის მიხედვით ვიღებთ გადაწყვეტილებას, კონსტიტუციურია თუ არა ის,”- განაცხადა მერაბ ტურავამ.
Loading ...
